A Consellería de Innovación e Industria achegará 30.000 euros para promocionar os viños do Salnés no marco daLVI Festa do Albariño de Cambados, idéntica cantidade que a que destinará a Consellería do Medio Rural, dacordo coas partidas económicas presentadas por ambos departamentos.
A asignación destinarase á organización do feiral (casetas, instalacións, mantemento e transporte) e á cata-concurso (organización, sala de catas e notario). Os fondos servirán tamén para apoiar ao concello de Cambados a cubrir os gastos derivados da festa e, por último, á organización da xornada técnica programada.
Devandita xornada celebrarase o xoves 31 de xullo no Centro Comarcal Exposalnés, na que se abordarán temas como o mildiu da vide, a zonificación vinícola e a gran distribución.
Veterana
A Festa do Albariño é a celebración gastronómica máis ‘veterana' de Galicia. Declarada ‘de interese turístico', as súas orixes remóntanse a 1953. Ten lugar sempre o primeiro domingo de agosto. Este ano o día grande será, polo tanto, a xornada do 3 do vindeiro mes.
O Concello de Cambados deseñou ao redor desta celebración un amplo programa festivo, con diversos actos entre os meses de xuño e setembro.
