Galicia quedará o venres baixo influencia anticiclónica e con circulación do nordés. Con esta situación, espéranse ceos parcialmente nubrados no terzo norte, con choivas febles no litoral cantábrico, quedando máis despexados no sur; pola tarde haberá nubes de evolución no sueste de Ourense.
Segundo informou Meteogalicia, os ventos soprarán moderados do nordés, con intervalos fortes na Costa da Morte. As temperaturas non terán cambios significativos.
Así, por cidades, as máximas oscilarán entre os 25 graos de Pontevedra e Ourense e os 19 de Lugo, mentres que as mínimas estarán entre os 11 de Ourense e os 14 da Coruña, Ferrol ou Pontevedra.
