A XLVI edición da festa do marisco do Grove comeza este venres coa apertura dos postos de degustación de produtos situados na zona do Corgo como é habitual, segundo o programa establecido.
Ás 19 horas está prevista a apertura dos postos e ás 22,30 horas o xornalista Pedro Piqueras procederá á lectura do pregón, tras o que actuarán A Década Prodixiosa, Santa Fe e María Chenlo.
A estrela da festa do marisco do Grove, o prato de arroz de mariscos, tradicionalmente o máis vendido xunto ao polbo ''á feira'', custará 4,90 euros.
Prezos
O prato de polbo terá un prezo de 8,40, sendo o máis caro o camarón, xa que un prato deste produto de tamaño grande con cen gramos de camaróns, custará 10,50 euros.
Os lagostinos á prancha custarán 9,80 euros, as ameixas oscilan entre os 7 e 8,50, a ostra 5,50 e os mexillóns entre os 3 e 3,80 euros.
O viño albariño véndese a 8 euros, o mencía a 7,50 e o ribeiro a 4,50 euros.
