O municipio coruñés da Baña celebra este domingo 8 de marzo vina Festa da Filloa da Pedra, cunha ampla programación na que se enmarcan actividades como a IV Feira de Cans de Caza, que se abriu ás oito da mañá, ou os Talleres Infantís de Cociña.
O pregón deste ano correu a cargo de Jesús Busto Peteiro, presidente da Fundación de Amigos de Galicia, acto ao que sucederon os Obradoiros de Cociña na Pedra para adultos, con degustación incluída.
Un completo programa
Para completar o programa gastronómico, entregaranse os premios correspondentes ao V Certame de Cociña de Filloas da Pedra, patrocinado pola Fundación Feiraco. Próstrelos candidatos, podían presentarse ao longo da mesma mañá da festa, na caseta do Concello da Baña, no pavillón municipal.
No que se refire a actuacións musicais, o grupo de gaitas Os Campantes da Barca, a Charanga Mecánica e a Orquestra Os Satélites serán os encargados de amenizar a festa.
Outras actividades como unha concentración de cabalos a cargo da Asociación Cabaleiros de Negreira, a exposición e venda de produtos de artesanía, gastronomía e xoias completarán a xornada.
Ademais, e como en todo evento gastronómico que se prece, non faltarán as degustacións, neste caso de filloas, chourizos ao viño e as tradicionais orellas.
