Non se esperan cambios significativos na situación meteorolóxica de Galicia este mércores. Así, os ceos estarán pouco nubrados ou despexados en xeral, con néboas matinais en comarcas do interior e presenza de nubes baixas no extremo norte.
Segundo a información de Meteogalicia, o vento soprará frouxo do nordés, excepto no norte da Coruña e Lugo, onde será máis intenso, conseguindo intervalos fortes na segunda metade do día entre Ferrol e Ortegal.
As temperaturas mínimas estarán sen cambios significativos, con formación de xeadas no interior, mentres que as máximas sufrirán lixeiros descensos.
Así, por cidades, as mínimas oscilarán entre 1 grao baixo cero en Lugo e Ourense e 5 graos na Coruña e Vigo, mentres que as máximas estarán entre 18 graos de Pontevedra e Vigo e os 10 de Lugo.