O luns Galicia continuará baixo a influencia das altas presións centroeuropeas, o que deixará poucas variacións na situación meteorolóxica. Desta forma, espéranse ceos pouco cubertos ou despexados.
Así o recolle a predición de Meteogalicia, que anuncia que as máximas sufrirán un lixeiro descenso pero msarcado valores moi por encima do habitual nesta época do ano, mentres que as mínimas continuarán sen cambios. En canto aos ventos, soprarán frouxos, de dirección variable.
Entre as principais cidades galegas, as mínimas oscilarán entre os 2 graos de Lugo e os 11 da Coruña, e as máximas situaranse entre os 21 graos de Santiago e os 25 de Ourense.
