O ceo volverá estar este mércores parcialmente cuberto en toda Galicia, con chuvascos que pola mañá se rexistrarán na metade oeste e pola tarde chegarán a toda a comunidade. Segundo a información publicada por Meteogalicia, dependente da Consellería de Medio Ambiente, as temperaturas mínimas terán un lixeiro ascenso e as máximas experimentarán un tímido descenso.
Deste xeito, Pontevedra e Vigo alcanzarán os valores máis altos —22 graos— das grandes urbes galegas, mentres que en Lugo, Ferrol ou A Coruña non se superarán os 20º. En canto ás temperaturas mínimas, os termómetros caerán ata marcar 13 graos na capital lucense e 12º na cidade das Burgas, mentres que na Boa Vila tocarán chan nos 15º.
