A xornada deste xoves estará caracterizada pola inestabilidade atmosférica, de forma que os ceos estarán parcialmente nubrados con chuvascos que poderán ser de tipo tormentoso nas áreas do interior.
Segundo as predicións de Meteogalicia, as temperaturas mínimas continuarán sen cambios ou en lixeiro ascenso, mentres que as máximas sufrirán un descenso moderado no interior.
Así, a pesar da nebulosidade, as máximas chegarán ata os 29 graos en Ourense e Pontevedra, mentres que as mínimas situaranse na orde dos 17 graos. Pola súa banda, os ventos soprarán de compoñente norte moderados.
