Un centro de baixas presións localizarase moi preto da Comunidade durante a xornada deste martes, achegando inestabilidade, segundo o prognóstico do observatorio Meteogalicia.
Deste xeito os ceos estarán parcialmente nubrados e rexistraranse chuvascos xeneralizados, máis probables e intensos na franxa atlántica durante a tarde.
A cota de neve situarase nos 1.300 metros, en base a esta predición, e as temperaturas ascenderán, especialmente as mínimas.
Os ventos soprarán de compoñente oeste, fortes no litoral atlántico e moderados no resto.
Temperaturas mínimas e máximas previstas nas cidades: A Coruña 10° 14°, Ferrol 10° 14°, Lugo 6° 11°, Ourense 7° 14°, Pontevedra 8° 14°,Santiago de Compostela 6° 12° e Vigo 8° 15°.
