O Hotel Balnerio Hesperia Guitiriz ofrece un menú degustación, con motivo do seu centenario, a un prezo de 32 euros por persoa.
Para a elaboración desta proposta, o xefe de cociña do establecemento, Martín Lema, adaptou algúns dos pratos máis populares e tradicionais desta zona da provincia de Lugo.
O menú está composto por catro pases, que comezan con 'Dúo de polbo e vieira con tosta de empanada'; séguelle ‘Lombo de pescada con rosa de pemento vermello sobre lago de pataca' e continúa con 'Corazón de solombo de tenreira con texturas de millo e fundición de queixo de Arzúa-Ulloa ao aroma de mencía lugués'.
Como sobremesa, a proposta do Hesperia Guitiriz (catro estrelas) rescata o método tradicional co que se prepara a torta de millo da zona.
Programa especial
Ademais deste menú, o Hotel Balneario Hesperia Guitiriz ofrece ao longo de todo este ano un programa especial nas súas instalacións termais. O ‘Programa Centenario' inclúe aloxamento e sesión de club termal por 50 euros por noite e persoa (IVE non incluído).
