Cinco viños da denominación de orixe Ribeira Sacra foron galardoados nos Premios Baco 2013 que se celebraron recentemente en Málaga.
Os caldos presentados por Vía Romana, Esther Teixeiro (Diego de Lemos) e Roberto Regal (Toalde 2011 e Vento 2001) levaron os premios Baco Joven Ouro; mentres que outro viño de Roberto Regal, o Preanes 2011, recibiu o Baco Joven Prata.
Dáse a circunstancia de que todos os viños galardoados son elaborados por adegueiros que están adscritos á subzona de Chantada da denominación de orixe Ribeira Sacra. Os caldos chantadinos logran cada vez máis galardóns alí onde acoden.
