Zona: DO Ribeira Sacra. Colleita: 2010. Maridaxe: Lombos de coello recheos de boletos con mollo de trufa e patacas á crema. Graos: 13% vol. Temperatura de consumo aconsellada: 14-16º
Cos signos típicos dunha grata e evidente resaca de mencía, despedímonos dos tres días da XXIX Feira do Viño de Chantada, das catas populares e das xornadas técnicas. Quedamos con gratas sensacións, como as novas casetas de madeira en forma de cuba —como eran hai xa moitos anos— e tamén as barricas decoradas con motivos vitícolas que servían como mesas auxiliares. Tamén foron moitas as novidades, entre as que destacan a aposta polo viño branco, as novas etiquetas de Via Romana e as propostas da Asesoría RL.
A cata de hoxe dedícolla a Condado de Sequeiras, unha das 12 adegas participantes na feira, cos seus tres caldos: un branco elaborado con godello e treixadura, un tinto 100% mencía e o Condado de Sequeiras Barrica.
Cata
Vermello picota con marcado ribete violáceo, de capa media e boa lagrima. Nariz expresivo e fresco, complexa, de intensidade alta, con aromas de froitas vermellas e negras como cereixa. Para rematar, percíbese cacao sobre toques de pemento.
