Tres mozos foron detidos na Coruña pola Policía Nacional en relación con varios roubos con forza en tendas desde finais do ano pasado, en especial en establecementos de lavado automático, así como pola súa presunta participación en atracos nun restaurante, un estanco e unha axencia inmobiliaria.
Os presuntos ladróns entraban coa cabeza cuberta con capuchas ou cascos de motos e, mentres un vixiaba no exterior, os outros forzaban os cajetines de recadación e apoderábanse do diñeiro ou dos efectos de valor que atopaban. Nalgunha ocasión volveron ao mesmo establecemento días despois para roubalo de novo.
Os arrestados xa contaban con numerosas detencións anteriores por feitos semellantes. A Autoridade Xudicial decretou o ingreso en prisión provisional dun deles. A investigación continúa aberta e non se descartan novas detencións.
Un deles tiña en vigor, ademais, unha orde xudicial de detención e tamén se lle atribúe a comisión de varios roubos con forza en trasteiros cometidos en xullo do ano pasado nun inmoble da zona do Castrillón.
Detidos tres mozos na Coruña por varios roubos con forza en tendas
Os arrestados actuaban, particularmente, en establecementos de lavado automático
