Os viños Divino Rei, de Adegas Castro de Rei, en brancos e Viña do Avó, de Antonio Cajide Gulín, en tintos, levaron o primeiro premio da cata oficial na XLV Feira do Viño do Ribeiro, celebrada esta fin de semana en Ribadavia (Ourense). Ademais, Terra Minei, de Francisco Fernández Sousa, levou o primeiro premio no apartado de viños brancos de colleiteiros, segundo informou este Consello Regulador.
O resto do palmarés da cata oficial quedou como segue: En canto aos brancos de adega, o segundo clasificado foi Beade Primacía, de Adegas A Portela e en terceiro lugar quedou Terra do Castelo Selección, de Adega Cooperativa San Roque de Beade. O segundo lugar na categoría de tintos ocupouno Rechamante, de María do Pilar Vázquez Pérez e o terceiro Sameirás, de Antonio Cajide Gulín.
Con respecto aos brancos de colleiteiros, a ‘medalla de prata' da cata oficial foi para Finca Teira, de Manuel Formigo de la Fuente e o terceiro lugar no ranking ocupouno Mauro E. Álvarez, de José Estevez Fernández.
Cata popular
Ademais dos premios da cata oficial, na cata popular levaron a Mención de Honra Senso Vadio, da adega Emilio Docampo Diéguez en tintos e Casal do Paula, da mesma adega, en brancos colleiteiros. Na categoría de brancos de adega este recoñecemento da cata popular foi para Beade Primacía, de A Portela.
Os mellores catadores foron Benjamín López Rodriguez en tintos; Diego Borges Marqués en brancos colleiteiros e Jullo Vila Castro en brancos de adega.
Para rematar, o establecemento gañador do concurso de escaparates foi ‘La tienda Verde', con dos accesit para ‘Peluquería Kabelos' e ‘Óptica La Gafa de Ribadavia'.