Dúas persoas resultaron feridas por mor dun accidente de tráfico en Barbadás. O suceso produciuse uns minutos antes das 14.00 horas, na estrada OU-540, no núcleo de Bentraces.
Segundo o 112 Galicia, o coche saíuse da vía e envorcou. Os ocupantes do turismo, un matrimonio de avanzada idade, abandonou o vehículo polos seus propios medios. Aínda así, recibiron un forte golpe no tórax polo que foron evacuados ao hospital.
Tras recibir a alerta, a central de urxencias avisou a Urxencias Médicas, a membros do GES de Pereiro de Aguiar, aos axentes de seguridade e os efectivos do servizo local de Protección Civil.
