Dúas persoas resultaron feridas na madrugada deste venres no municipio ourensán de Vilamarín ao atropelar a un xabaril cando circulaban ao paso do lugar de Cristoble, en Reádegos, informou o 112.
Ás 05:30 horas, un dos implicados solicitou ao 112 Galicia asistencia sanitaria para dúas persoas e indicou que acababan de ter un accidente por mor dun xabaril que se lles cruzou na vía.
A partir de aí, o Centro Integrado de Atención ás Urxencias do 112 (CIAE) puxo os feitos en coñecemento do 061-Urxencias Sanitarias, que desprazou unha ambulancia ata o punto.
Así mesmo, desde o CIAE solicitouse a colaboración dos axentes de Tráfico e a dos efectivos de Protección Civil de Coles. Os Bombeiros do Carballiño tamén foron informados.
Dous feridos ao arroiar co seu vehículo a un xabaril no municipio de Vilamarín
O animal cruzouse na vía á altura de Cristoble, en Reádegos
