Dúas persoas resultaron feridas ao chocar senllos vehículos no cruzamento da rúa Río Arenteiro co Río Támega, no municipio de Ourense.
Segundo informou o CAE 112 Galicia, o suceso tivo lugar sobre as 18.00 horas deste luns, cando un particular avisou de que unha das vítimas presentaba feridas de consideración. A outra persoa resultou ferida leve.
Tras recibir a alerta, o Centro Integrado de Atención ás Emerxencias do 112 informou ao 061-Urxencias Sanitarias, a Protección Civil e á Policía Local.
COLISIÓN MÚLTIPLE EN REDONDELA. Por outra banda, en Redondela, saldouse sen feridos unha colisión entre tres vehículos rexistrada no quilómetro 140 da N-550, xusto debaixo da ponte do Tren.
O CIAE 112 explicou que o suceso tivo sobre as 13.40 horas e que a circulación na zona viuse condicionada tras o sinistro dado que os vehículos accidentados obstaculizaron a calzada.
Tras recibir o aviso, o CIAE 112 alertou á Garda Civil de Tráfico e aos servizos de conservación da estrada.
Dous feridos nunha colisión entre senllos vehículos en Ourense
Un choque entre tres coches en Redondela saldouse sen feridos