Araceli Filgueira Iglesias comezou a facer croquetas con seis anos e lembra que sempre lle gustou a cociña "moitísimo" e na súa casa de Pontevedra tivo comensais de todo tipo, entre eles e ata 1981, o bibliógrafo e investigador vasco Antonio Odriozola, que foi a primeira persoa coa que falou Everest para o seu proxecto inicial de Cociña "galega".
Odriozola recibiu o encargo de facer a bibliografía e de buscar a alguén para facer as receitas e falou de Araceli á editorial.
"Álvaro Cunqueiro xa tiña outros libros de cociña con Galaxia e foi elixido para os textos e eu terminei percorrendo cociñas domésticas de toda Galicia e as receitas tradicionais da miña familia e dos meus amigos, para elaboralas e probalas".
Daquela experiencia, que durou un ano para Araceli, o máis difícil foi recoller as medidas dos ingredientes "pois as mellores cociñeiras de bares e casas agregan todo con chiscos, e iso hai que medilo para explicalo", engadiu.
Filgueira Iglesias e Cunqueiro
Cunqueiro estaba nos anos 80 en Galicia (morreu en Vigo en 1981) e tiña amizade co galeguista Filgueira Valverde, pai de Araceli, polo que ambos se coñecían xa.
A coautora de "Cociña galega" explicou con ironía que Cunqueiro levou a fama e o diñeiro do libro, pois aínda xera dereitos de autor, mentres que ela asinou con Everest o contrato pechado que lle ofreceron para vender á editorial os seus dereitos de autora.
"Cunqueiro probaba os pratos que eu facía, aínda que non podía con todos pois era diabético e aproveitabamos cando viña a sesións de diálese, e a veces suxería algún ingredinte como loureiro ou cousas así", agregou.
O escritor de Mondoñedo tamén foi o responsable da selección de receitas incluídas nas 416 páxinas daquel libro editado en 1983 -tras a súa morte- que se esgotou nada máis publicarse en castelán ata o punto de que estivo na feira do libro de Madrid e nin alí nin en ningunha outra librería atopáronse exemplares para que Araceli Filgueira asináseos.
Fontes da editorial de León explicaron que dende a primeira edición en 1983 en castelán, a venda nas diferentes versións posteriores en castelán e galego foi de máis de 30.000 exemplares.
Receitas
Algunhas das cantidades, ingredientes e combinacións corresponden a receitas tradicionais da familia Filgueira pois a nai de Araceli "cociñaba moi ben", segundo recordou.
Tamén recorreu á sogra do seu irmán que é a cociñeira da "Empanada de Josefa" que figura no libro, e das receitas de empanada de berberechos, chourizo e "cabrito á tarteira".
Ademais, algún fin de semana foi cunha amiga a percorrer Galicia para recoller receitas, como unha de Entrimo (Ourense) e outra inesquecible para ela que é a de ''chicharróns'' da praza de Lugo.
Futuro libro
O director da editorial Galaxia, Víctor Freixanes, explicou a GG que está pendente a publicación de todas as receitas que Araceli Filgueira consiga reunir, das descartadas para o libro "Cociña galega" e outras e "isto só depende de que ela as recompile".
Pola súa banda, Filgueira Iglesias explicou que está niso pois ten o seu tempo repartido entre varias ocupacións como impartir cursos de cociña en Nadal, preparar pequenos libros para regalar con receitas encadernadas e seguir recompilando novas fórmulas gastronómicas.
As receitas que Araceli explica durante unha conversación levan ademais dos ingredientes e proceso de elaboración, unha "salsa" narrativa sobre a súa orixe, como ocorre coas "xoubiñas guisadas", prato "mariñeiro de toda a vida" que se facía a lume lento nas cociñas dos barcos dos "mareantes" que era un gremio de pescadores con privilexios outorgados polo obispado de Pontevedra, como o de ir diante na procesión do Corpus e traballar os domingos para destinar a pesca dese día á construción da igrexa de Santa María a Maior, na cidade do Lérez.
Unha pequena caixa con fechadura atesoura na súa casa centos de receitas e historias ordenadas que poderían destinarse ao futuro libro de Galaxia.
Araceli Filgueira garda centos de receitas rexeitadas por Cunqueiro en 1983 para ''Cocina Gallega''
