Galicia afronta un domingo sen cambios e xeadas en zonas do interior

Ceos despexados, xeadas e temperaturas sen apenas cambios, son algunhas das notas do tempo previsto para mañá, domingo, por Meteogalicia. O instituto meteorolóxico prognostica que continuará baixo a influencia das altas presións, con ventos frouxos de compoñente norte. As temperaturas mínimas non experimentarán apenas cambios ou ben algunha subida.