Galicia manterase este martes na influencia das altas presións con ventos do nordés. Así, segundo o prognóstico de Meteogalicia a comunidade quedará con néboas no interior e nubes baixas no terzo norte ao principio e final da xornada, e ceos pouco nubrados ou despexados en xeral.
As temperaturas non terán cambios significativos ou experimentarán lixeiros ascensos. Os ventos do nordés terán intervalos de moderado durante a tarde, con refachos fortes en Rías Baixas.
Principais indicadores das temperaturas extremas previstas nas cidades: A Coruña 16° 22°; Ferrol 15° 22°; Lugo 12° 24°; Ourense 15° 32°; Pontevedra 16° 30°; Santiago 15° 23°; Vigo 15° 29°.
