As previsións meteorolóxicas anuncian para Galicia un luns de transición á espera dunha nova fronte que chegará pola noite. Así as cousas, a xornada comezará con ceos nubrados e algunha posibilidade de chuvascos no terzo norte, aínda que co avance do día iranse abrindo claros. Atendendo aos mapas de Meteogalicia, será pola noite cando se cubrirá o ceo e comezarán as choivas pola fachada atlántica.
Nunha xornada de vento frouxo, as temperaturas mínimas experimentarán un moderado descenso —para situarse entre os tres graos de Ourense e os nove da Coruña—, mentres que as máximas non rexistrarán cambios significativos. En Vigo alcanzarán os 15 graos.
