As altas presións mantéñense este luns ao noroeste da península Ibérica e deixarán a Galicia cun réxime de ventos que traerán aire algo máis fresco.
Así as cousas, as previsións de Meteogalicia apuntan a que a xornada comezará con bancos de néboa no interior e intervalos de nubes baixas no terzo norte. Co avance da mañá os ceos iranse despexando, excepto no litoral norte, onde se manterán parcialmente cubertos. O vento soprará de compoñente norte, máis intenso pola tarde.
En canto aos termómetros, as temperaturas mínimas non experimentarán cambios significativos, mentres que as máximas descenderán lixeiramente. A Coruña e Ferrol quedarán nos 22 graos, Santiago nos 23 e Lugo nos 25. Só Ourense superará os 30, que se prevén alcanzar en Pontevedra.
