Galicia estará durante o luns nunha situación intermedia entre o anticiclón da fin de semana e unha borrasca que se achega polo Atlántico, polo que as previsións levan a esperar ceos con nubes altas pola mañá e un aumento da nebulosidade pola tarde.
As proxeccións de Meteogalicia mostran, ademais, néboas matinais en zonas de interior e brumas costeiras no litoral noroeste.
En canto aos termómetros, as temperaturas experimentarán un lixeiro ascenso, máis significativo nas mínimas, que se moverán entre os 9 graos de Lugo e os 15 da Coruña. Os ventos soprarán frouxos de dirección variable en xeral.
