Zona: D.O. Ribeira do Douro. Colleita: 2009. Maridaxe: Ensalada de pasta fresca con cogomelos de marzo e moegas de lechazo ao vinagre de Xerez. Grao: 13,8% volume. Temperatura de consumo aconsellada: entre 15-17º graos.
Retomando os retos propostos polo meu bo amigo Álvaro Villasante, hai que buscar un acompañante a este suxestivo prato de hoxe. Aínda que a pasta en si non nos adoita dicir nada á hora de maridar e hai que fixarse nas salsas ou acompañantes da mesma para escoller o viño correctamente, ben é certo que a pasta achega matices en canto a temperaturas, texturas e intensidade dos sabores.
Tendo en conta isto, e que se acompañará o prato con cogomelos e moegas de lechazo, inclínome por un viño tinto, moderno, novo e froiteiro, pero cun breve paso por madeira. Encaixa nesta procura La Planta colleita 2009, un ribeira do Douro novo, con madurez, redondo e cheo de matices.
Cata
A súa cor é cereixa picota con anel rosáceo, de capa media-alta. Nariz de media intensidade, na que destaca a froita lixeiramente marcada pola madeira, aromas de froitas vermellas e flores silvestres con toques de madeiras nobres, tostados, vainilla e café.
