A conselleira do Mar, Rosa Quintana, participou este domingo na celebración da X Exaltación da Vieira de Cambados, onde enxalzou a calidade da vieira de Galicia, con case 152.000 quilos descargados nas lonxas e tras xerar máis de 560.000 euros en 2010.
"Se se compra nos mercados debidamente envasada e etiquetada, está perfectamente limpa e pasou os controis hixiénico-sanitarios máis esixentes", sinalou Quintana, tras a polémica os pasados meses pola existencia dunha rede ilegal que compraba e vendía vieiras tóxicas da ría de Ferrol.
Segundo informa a Xunta nun comunicado, no que vai de 2011 descargáronse en Galicia 26.500 quilos de vieira, que xeraron un volume de negocio de 97.000 euros, dos cales máis de 9.000 quilos descargáronse en Ferrol cun valor superior aos 27.300 euros.
