Ingredientes
- 800 gr. de lombo de atún.
- 400 gr. de pataca cocida.
- Cabeza de allo asada.
- Manteiga.
- Ceboliño.
- Sal, pementa e pirixel.
- 300 gramos de tomate pelado despolpado e asado.
- Viño branco.
- Vinagre de viño.
- Aceite de oliva virxe.
- Caldo de peixe.
Elaboración
Cocer a pataca e asar a cabeza de allo enteira no forno con aceite e sal; estará no seu punto cando consigamos premer un dente e que saia del unha pasta densa de carne de allo. Mesturaremos as patacas aínda mornas coa manteiga, a pasta de allo e as herbas picadas, e faremos un puré. Por outro lado, hai que xuntar os tomates co escabeche e levalos a ferver. Este paso convén facelo días antes, xa que os escabechados asentan sabores coa curación.
Para rematar o prato, marcamos na plancha ou na tixola os lombos do atún, que é convinte que sexan gordos, para non pasalos de cocción, e que leven un par de horas fóra da neveira. Empratar ó gusto e regar todo cunhas gotas de aceite virxe.