Os restaurantes de El Corte Inglés de Galicia iniciaron hoxe unhas xornadas gastronómicas con protagonismo especial dos produtos autóctonos: o marisco, os peixes e as carnes galegas centrarán os menús servidos nos centros comerciais desta cadea na Comunidade.
Entre as carnes ocuparán un lugar destacado a tenreira denominada ‘Cachena ecolóxica', o ‘porco Celta' e os seus derivados.
O obxectivo destas xornadas é, segundo a dirección rexional de El Corte Inglés, “promocionar a gastronomía galega a través dos nosos produtos máis representativos, sobre todo nesta época de gran afluencia turística”.
Trátase de ofrecer unha mostra da cociña autóctona aos propios galegos e tamén aos turistas que fagan as súas compras nestes centros comerciais durante as súas vacacións na Comunidade.