Ingredientes
- Unha pescada de Pescanova en toros.
- Dous pementos vermellos.
- Un pemento verde.
- Unha cebola mediana.
- Un dente de allo.
- O zume de medio limón.
- Aceite.
- Loureiro, pementa verde e sal.
Elaboración
Dourar a cebola moi picada e os allos nunha tixola cun chorrito de aceite de oliva. A continuación, engadir os pementos cortados en tiras e deixar cociñar durante uns 30 minutos. Sazonar as hortalizas cun pouco de sal, pementa e loureiro. Reservar.
Por outra banda, nunha fonte de forno colócase a pescada xa salgada cun chorro de aceite, rocíase co zume de limón e lévase ao forno a unha temperatura media durante dez minutos. Pasado ese tempo incorpóranse os pementos, a cebola e o allo e déixase cociñar durante uns cinco minutos máis.
A forma ideal de servir este prato é levándoo á mesa acompañando a pescada cunha guarnición de patacas cocidas.