O martes será outra xornada marcada pola inestabilidade atmosférica, aínda con aire frío nas capas altas da atmosfera.
Con esta situación, espérase unha mañá de ceos parcialmente cubertos, con bancos de néboa no interior e pola tarde crecerán nubes de evolución que deixarán chuvascos tormentosos máis probables nas provincias de Lugo e Ourense.
As temperaturas mínimas descenderán pero as máximas ascenderán lixeiramente. O vento soprará frouxo de dirección variable en xeral, con réxime de oeste na franxa atlántica.