Xornada de transición en Galicia á espera da chegada dunha nova fronte nas últimas horas do día. Desta forma, prevese unha mañá de alternancia de nubes e claros, con algún chuvasco ocasional no leste e no extremo norte, aumentando as nubes cara á tarde, e con choivas nas últimas horas da xornada polo oeste da comunidade, que se estenderán progresivamente a todo o territorio galego.
Así o recolle a predición de Meteogalicia, que sitúa a cota de neve nos 1.200 metros. En canto ao vento, soprará frouxo de compoñente oeste, aumentando en intensidade cara á noite.
As temperaturas experimentarán un lixeiro ascenso. As máximas oscilarán entre os 10 graos de Lugo e os 14 de Vigo, e as mínimas, quedarán entre os 5 de Lugo e os 8 da Coruña e Ferrol.
