O anticiclón localizado ao norte da península Ibérica continuará bloqueando este mércores durante toda a xornada a chegada de influencias atlánticas. Isto fará que novamente se viva un día de estabilidade, con ceos pouco nubrados ou despexados.
As temperaturas ascenderán, polo que se alcanzarán valores elevados para esta época do ano durante a tarde.
Os ventos soprarán frouxos de compoñente leste, con intervalos de moderado no litoral norte.
Estas son as temperaturas mínimas e máximas previstas nas principais cidades galegas: A Coruña 13º/ 25º, Ferrol 13º/27º, Lugo 9º/27º, Ourense 11º/31º, Pontevedra 15º/29º, Santiago de Compostela 14º/26º, Vigo 17º/29º.
