Galicia continuará este mércores con ceos parcialmente nubrados en xeral, con nubes máis compactas na metade oeste sen descartar precipitacións débiles durante a primeira metade do día. Segundo a información publicada por Meteogalicia, as temperaturas mínimas experimentarán un lixeiro descenso e as máximas non terán cambios significativos.
Nas principais urbes galegas os termómetros oscilarán entre os 24 graos que se alcanzarán en Ourense e os 12 graos de mínima que se rexistrarán na capital lucense.
O xoves, iso si, volverá brillar o sol pola tarde.
