Os dous tripulantes dunha lancha accidentada na tarde deste martes no medio da ría de Corcubión están sans e salvos. A embarcación envorcou preto dunha zona de rochas, tirando aos dous homes á auga.
As vítimas foron rescatadas por outra embarcación particular que navegaba pola zona. Aínda así, o 112 Galicia puxo en marcha un operativo de rescate no que participaron o helicóptero Pesca 1 e a embarcación Don Inda.
Desde a central de urxencias tamén alertaron a Salvamento Marítimo, ao Servizo de Gardacostas de Galicia, a Protección Civil, á Garda Civil e ao 061, aínda que os efectivos médicos non tiveron que intervir.
Rescatados os tripulantes dunha lancha que envorcou en Corcubión
A embarcación sufriu un accidente preto dunha zona de rochas, tirando aos dous homes á auga
