Ingredientes
Bizcoito:
6 ovos, 6 cucharadas de azucre, 3 cucharadas rasas de fariña de millo refinada
3 cucharadas de fariña de trigo, 10 grs. de fermento en po.
Crema do recheo:
1/2 litro de leite, 3 xemas, 100 grs de azucre, 2 cucharadas
colmadas de fariña de millo refinada, pau de canela, a pel e o zume dunha laranxa
Almíbar:
200 ml. de auga, 100 grs. de azucre, unha copa de oporto, unhas tiras de pel de laranxa, auga de azahar e pau de canela.
Modo de facelo
Bizcoito:
Bátense as xemas co azucre e incorpóranse as claras a piques de neve, mesturando para rematar as dúas fariñas, que deben tamizarse.
Colócase un papel engrasado sobre a placa do forno, vértese enriba a mestura e introdúcese a forno medio: 160º uns 10 minutos (non debe estar moi dourado, para evitar que nos rompa).
Unha vez cocido, quitamos o papel, acomodándoo nun pano. Esténdese a crema sobre el e enrólase, deixándoo arrefriar.
Crema:
Ponse o leite a ferver coa pel de laranxa e a canela; mentres mesturaremos o azucre coas xemas e a fariña de millo refinada, disolvéndoo no zume de laranxa.
Vértese sobre o leite quente e ponse a cocer ata que espese, removendo sen parar.
Bañaremos o bizcoito cun almíbar feito cun pouco de auga con azucre, a pel da aranxa en tiritas, a auga de azahar e unha boa copa de oporto.
Unha vez enrolado o bizcoito coa crema e bañado co almíbar adornarémolo coas tiras de laranxa e uns debuxos de chocolate amargo.
Autora: Susana Ares Rosende
Natural de Santiago, aínda que residente en Monforte, foi xefa de cociña do restaurante “La Cocina” desta localidade luguesa. Estudou na escola de hosteleria e turismo Belarmino Fernández Iglesias e acumula unha importante experiencia como responsable de cociña en banquetes e celebracións de distintos establecementos galegos.
Rolo de crema de laranxa ao oporto
