Este xoves non se esperan cambios significativos, xa que Galicia continuará na influencia das altas presións. Así, o ceo permanecerá despexado ou con algunhas nubes de tipo alto.
Segundo a información publicada por Meteogalicia, dependente da Consellería de Medio Ambiente, o vento soprará frouxo do nordés, con máis intensidade no litoral norte.
Pola súa banda, as temperaturas non experimentarán cambios significativos. Deste xeito, nas cidades galegas as máximas subirán ata os 21 graos en Vigo e Pontevedra, mentres que os valores mínimos descenderán ata un grao en Lugo.
