Este venres persiste a influencia anticiclónica sobre Galicia, polo que se espera un día de ceo pouco nubrado ou despexado, con bancos de néboa matinais en comarcas do interior e algún intervalo de nubes baixas a primeiras horas na provincia da Coruña.
Segundo a información publicada por Meteogalicia, dependente da Consellería de Medio Ambiente, o vento soprará moi frouxo de compoñente oeste. Pola súa banda, as temperaturas seguirán sen cambios significativos, mentres que as máximas experimentarán un moderado ascenso.
Deste xeito, nas cidades galegas as temperaturas máximas subirán ata os 23 graos en Ourense, mentres que os valores mínimos descenderán ata os dous graos en Lugo e na capital ourensá.
