Un home de avanzada idade resultou ferido tras ser atropelado por un vehículo en Santiago de Compostela, segundo informa o 112. O sinistro rexistrouse no recinto dunha gasolineira, situada no Polígono de Costa Vella. En concreto, o turismo accedeu á estación de servizo en sentido contrario, levándose por diante á vítima.
Ata o lugar mobilizouse a unha UVI móbil, e desde a central de Urxencias alertouse aos Bombeiros de Santiago, a Protección Civil e á Policía Local.
Doutra banda, unha muller resultou ferida este xoves nunha colisión entre un autobús e un turismo no municipio de Bergondo, na Coruña.
A vítima foi un dos sete pasaxeiros que viaxaban no autocar no momento do choque, rexistrado no quilómetro 6 da AC-164, á altura da ponte do Pedrido. O propio condutor do autocar alertou do sucedido ao 112 Galicia, sobre as 16.40 horas, que á súa vez avisou de sinistro ao 061, Bombeiros de Betanzos, Protección Civil e Garda Civil de Tráfico.
Un ancián resulta ferido tras ser atropelado nunha gasolineira de Santiago
O choque dun autobús en Bergondo sáldase cunha pasaxeira magoada
