Unha persoa resultou ferida despois de que dous coches chocasen o venres en Narón (A Coruña), informou o 112.
Tras o impacto, un dos vehículos implicados chocou contra a fachada dun edificio da rúa Bouzas, o que provocou danos na acometida do gas do inmoble.
A persoa ferida foi trasladada ao centro hospitalario de referencia por un equipo de Urxencias Médicas. Un particular e persoal do servizo sanitario alertaban do accidente ao Centro de Atención ás Urxencias 112 Galicia ao redor das 20:30 horas.
Enseguida, o CAE 112 Galicia pasaba o aviso á Policía Local e aos Bombeiros de Narón, que se achegaron ata o punto. Ademais, informouse o accidente aos efectivos de Protección Civil da localidade.
Os servizos de urxencia que se desprazaron ao lugar do accidente quedaban á espera dun guindastre para facer limpeza na zona. Ademais, a dotación dos Bombeiros de Narón solicitou a intervención dun técnico da empresa distribuidora do gas para revisar, por precaución, a acometida do gas.
Unha persoa ferida tras un complicado accidente en Narón
Tras o impacto, un dos vehículos implicados chocou contra a fachada dun edificio da rúa Bouzas, o que provocou danos na acometida do gas do inmoble
