O venres Galicia continuará na influencia das altas presións, con ventos do leste que seguirán deixando un ambiente frío.
Os ceos estarán pouco nubrados ou despexados en xeral, con néboas matinais en comarcas do interior, e co avance da xornada, un incremento das nubes de tipo baixo polo nordeste.
As temperaturas sufrirán un lixeiro descenso, e o vento soprará frouxo de compoñente leste no interior, con máis intensidade no litoral.
