Durante o luns espérase influencia anticiclónica sobre Galicia con circulación do leste. Con esta situación, os ceos estarán pouco cubertos, despexados, ou con algunhas nubes altas.
Así o recolle a predición de Meteogalicia, que avanza que os ventos soprarán de compoñente leste, frouxos en xeral, con intervalos de moderado no litoral norte.
En canto ás temperaturas mínimas estarán en lixeiro ascenso, mentres que as máximas ascenderán de xeito moderado. Entre as principais cidades galegas, Ourense rexistrará a máxima do día, con 26 graos, seguida de Vigo con 25, aínda que en Lugo non se superarán os 22. En canto ás mínimas, oscilarán entre os 6 graos de Lugo e os 14 de Vigo.
