A décimo terceira edición do Salón Galego de Gastronomía e Turismo, celebrarase desde mañá ata o cinco de febreiro no recinto feiral de Expourense.
O obxectivo deste encontro é atraer a galegos e foráneos a coñecer a riqueza gastronómica e turística, non só de Ourense senón que tamén da Comunidade española, a través das distintas actividades que levarán ao cabo durante estes días. Os 133 expositores situados nos 12.000 metros cadrados de superficie ocuparanse deste fin.
Destas casetas ,18 estarán destinadas a restaurantes, que ofrecerán trinta menús típicos galegos e doutras Comunidades Autónomas a prezos especiais, de entre 12 e 30 euros. Cada un deles estará dedicado a unha festa gastronómica de interese; como é o caso do San Froilán en Lugo, o botelo no Barco de Valdeorras, entre outros.
Como novidade este ano tamén se ofrecerán pratos para celiacos, que serán distribuídos polos restaurantes do Inorde ou da Baixa Limia. Tampouco faltarán os produtos típicos de Viana do Castelo, de Lisboa ou das Comunidades españolas polas que pasa o Camiño Mozárabe, como son Andalucía ou Estremadura.
Pero non será o único. Xantar dispón dun completo programa de actividades entre as que destacan o VII Encontro Ibérico sobre Dieta e Saúde, que inclúe conferencias, talleres de cociña, catas e degustacións.
No apartado de charlas, o presidente da Fundación Española para a Nutrición, o Dr. Gregorio Varela, falará sobre as fortalezas e debilidades da nosa dieta e o Dr. Miguel Pocoví, tratará o tema da nutrixenomía, sobre o estilo de vida saudable e sobre a prevención cardiovascular.
Seguidamente, en Xantar tamén se preparán pratos en directo. Estas clases de cociña maxistrais correrán a cargo dos principais chefs de Galicia e doutras Comunidades Autónomas invitadas. Entre eles destacan o mestre repostero, Miguel Sierra, os cociñeiros galegos Flavio Morganti ou Iago Pazos e Marcos Cerqueira, de Abastos 2.0 ou os gañadores das Olimpíadas Gastronómicas de Portugal, entre outros.
Pero os cociñeiros de prestixio non serán os únicos que acudan a este encontro. Os principais sumilieres ensinarán aos asistentes a realizar unha boa cata de viño, de queixo, etc, baseándose nos principais matices de cada produto.
No Salón Galego de Gastronomía e Turismo tamén haberá un lugar destacado para as festas, onde se fará unha pequena demostración do desfile do Entroido galego, propio de Xinzo dá Limia, Bande, A Veiga, etc. Tamén se promocionará outras festividades da zona como o san Froilán de Lugo, a langosta da Guarda ou a lamprea de Arbo, entre outras.
Gastronomía de Alta Velocidade
O Salón Galego de Gastronomía e Turismo pon en marcha unha iniciativa para ofertar unha xornada gastronómica en Ourense. Aproveitando que a liña de tren de Alta Velocidade Avant, que comunica Ourense con Santiago en 38 minutos e A Coruña en pouco máis dunha hora, Xantar organiza un paquete turístico para achegar a estes residentes a Expourense.
O paquete inclúe ida e volta no Avant ata Ourense desde calquera das dúas cidades, visita guiada á ribeira termal do Miño e o centro histórico ourensán, entrada ao recinto do Salón Galego de Gastronomía e Turismo, comida nos restaurantes do recinto e a participación nas actividades do mesmo.
Aqueles que estean interesados poderán facer a súa reserva, para os días 4 e 5 de febreiro, a través da páxina web www.xantar.org ou chamando ao 988 36 60 30. A iniciativa ten un prezo de 43 euros para os que vingan desde Santiago e 50 euros para os da Coruña.
Por outra banda, para os que acudan a este encontro gastronómico en tren, desde calquera punto de España, entre o 1 e o 5 de febreiro, poderán benefeciarse dun 30% de desconto no billete.
E os que desexen quedar a durmir en Ourense teñen a opción de reservar o Paquete Turístico Xantar 2012 que inclúe unha noite un hotel de 4 estrelas na cidade ou nun hotel-balneario situado na Ribeira Sacra (con acceso ao club termal), a entrada ao recinto de Expourense e a comida ou cea nun dos restaurantes do salón. Todo iso por un prezo de 75 euros por personna.
