Galicia continuará este mércores nunha situación intermedia entre altas e baixas presións con chegada de masas de aire húmidas desde o Atlántico. Deste xeito esperamos unha xornada de ceo moi nubrado pola mañá, con máis nubes canto máis ao norte onde poderemos rexistrar algunhas precipitacións débiles e ocasionais. Á tarde abriranse grandes claros e pola noite o paso dunha fronte deixará os ceos cubertos con orballos na metade norte.
As temperaturas máximas e mínimas estarán en lixeiro descenso. Os ventos soprarán frouxos de compoñente norte, moderados no litoral.
