Este xoves, as altas presións continuarán entrando en forma de cuña desde os Azores, pero continuará o aire frío en altura, que fará que a inestabilidade persista en Galicia con ceos alternando momentos de nubes e claros, e chuvascos de carácter tormentoso no interior.
Segundo a información de Meteogalicia, dependente da Consellería de Medio Ambiente, o vento soprará de compoñente norte, moderado no litoral e máis frouxo no interior.
Pola súa banda, as temperaturas mínimas estarán en lixeiro descenso, mentres que as máximas ascenderán lixeiramente. Os valores máximos ascenderán ata os 23 graos en Ourense, mentres que os valores mínimos alcanzarán os 15 graos en Ourense, Vigo e Santiago de Compostela.
