A asociación ecoloxista Adega denuncia o uso dun herbicida no casco antigo de Santiago de Compostela considerado como "probablemente canceríxeno" por un instituto especializado da Organización Mundial da Saúde (OMS).
O herbicida co que foron asperxidas beirarrúas, muros, fachadas e outros puntos do centro histórico, incluída a céntrica praza da Quintana ou a praza de Abastos, posúe como principio activo glifosato. Ese produto foi clasificada pola Axencia Internacional para a Investigación do Cancro, dependente da OMS, como "probablemente canceríxeno para humanos", precisa Adega nun comunicado.
Subliña que a lexislación autoriza o uso de glifosato xa que a Unión Europea "non considera este produto perigoso", aínda que atribúe iso á "presión do lobby" de multinacionais biotecnolóxicas como Monsanto, Syngenta ou Bayer. Con todo, indica que o uso desa sustancia está restrinxida e "non debe aplicarse preto de cursos de auga ou fontes, tampouco en espazos frecuentados por público como pistas deportivas, xardíns públicos, colexios e centros médicos". Adega subliña, ademais, a necesidade de "restrinxir o acceso peonil a zonas fumigadas e evitar aplicalo con risco de choiva ou con vento".
Adega denuncia o uso dun herbicida canceríxeno na zona vella compostelá
Trátase dun produto co que foron asperxidas beirarrúas, muros, fachadas e outros puntos e que a OMS determina que ''probablemente'' é causante de cancro en humanos
