Cinco persoas resultaron feridas, dúas delas en estado crítico, este venres nun aparatoso accidente de tráfico ocorrido no corredor de Monforte a Lalín, concretamente á altura do municipio de Chantada. Todos foron trasladados ao hospital de Monforte en tres ambulancias.
Os coches implicados quedaron seriamente danados e foi necesaria a intervención dos bombeiros para excarcerar a algúns dos ocupantes.
Segundo os datos facilitados polo 112 Galicia a Europa Press, o sinistro tivo lugar no quilómetro 34 da CG-2.1 ao seu paso pola parroquia de Muradelle.