Se estás interesado no ámbito do crecemento e desenvolvemento persoal, existen dúas novas técnicas que están a arrasar na actualidade. Falamos do Coaching e o Mindfulness. Estas dúas disciplinas permítennos coñecernos mellor a nós mesmos, potenciar ao máximo as nosas fortalezas e habilidades e identificar as áreas que debemos reforzar.
O Mindfulness tradúcese literalmente como atención ou conciencia plena. O seu fundamento radica na capacidade que temos de ser plenamente conscientes de que estamos a vivir o presente. Trátase de prestar total atención ao que experimentamos en cada momento, controlando a nosa mente e evitando que os nosos pensamentos viaxen a outra parte. Desta forma, podemos coñecer en cada instante cales son os nosos sentimentos, emocións, sensacións e reaccións; e podemos vivir cada experiencia sen que se nos escape ningún detalle. Isto á súa vez permítenos fomentar o desenvolvemento de determinadas calidades persoais, tales como a honestidade, a confianza ou o autocontrol. Os últimos estudos científicos revelan tamén a súa eficacia como tratamento para reducir a tensión, aumentar a autoconciencia e incrementar o noso benestar físico e mental, na medida en que aposta firmemente pola relaxación e a meditación.
Pola súa banda o coaching pode definirse como un "adestramento" que axuda a conseguir determinados obxectivos na vida, a través de determinadas técnicas de autocoñecemento e superación persoal.
Agora, Galiciaé e Aprendum ofrécenche a oportunidade de indagar no teu interior, coñecer a fondo a túa mente e lograr todas as túas metas persoais e profesionais grazas ao curso online de Coaching e Mindfulness ao incrible prezo de 22 euros. Aprenderás a coñecerte mellor a ti mesmo, manexar as situacións que nos xeren máis tensión e nerviosismo e controlar os pensamentos e emocións. O obxectivo deste curso é aprender a vivir con confianza e manexar as distintas situacións que atravesamos na vida. Tamén che axudará a mellorar as túas relacións persoais, xa que o primeiro paso para estar ben cos demais é estar ben cun mesmo.
O seu formato online permitirache marcar o teu propio ritmo de aprendizaxe: ti pos o horario e o tempo que lle queiras dedicar cada día, posibilitando a combinación desta formación coa realización doutras actividades. Un titor online axudarache a resolver calquera dúbida que che puidese xurdir, e a descarga do material de que consta o curso permitirache telo sempre dispoñible para consultalo sempre que queiras. Os exercicios prácticos que se propoñen axudaranche a consolidar todo o coñecemento adquirido.
Ao finalizar o curso recibirás unha Certificación Acreditativa que avalará a formación neste ámbito. Pescudarás se tes que cambiar algo na túa vida e os pasos que debes dar para iso. Á súa vez, ensinaranche o segredo para vivir sendo máis positivo e xa que logo, máis feliz.
Experimenta os beneficios de coñecerte a ti mesmo! E non te perdas os nosos maxidescontos de Primavera: 72 horas con descontos incribles! 20%, 15% e 10% de rebaixa correlativamente os días 30 e 31 de marzo. Pero dáte présa! porque cada día o desconto será menor. Introduce o código de cupón PRIMAVERA durante o proceso de compra e benefíciache deste aforro.
