Aitana Ocaña, segunda clasificada da última e exitosa edición de Operación Triunfo, é a nova embaixadora de cabeceira de Stradivarius, a firma de moda nova de Inditex.
A aposta do imperio téxtil que encabeza Amancio Ortega farase efectiva a partir do 3 de abril, cando a moza catalá presidirá un evento cos fans que gañen un concurso en Instagram. Ademais, a marca creará unha camiseta baseada en Lo malo, o título da canción que interpretou coa canaria Ana Guerra.
A frescura, a idade (18 anos) e o estilo de Aitana foron as características que convenceron aos responsables de mercadotecnia de Stradivarius, segundo informa Vanitatis. O seu papel como primeira embaixadora da marca durará polo menos toda esta tempada primavera-verán.
