Un incendio rexistrado nun galpón en Curtis provocou danos na súa estrutura e nos materiais que había no seu interior. O lume calcinou alpacas de herba seca e queimou os laterais da chapa e o tellado. Os feitos tiveron lugar na parroquia de Lourdes, no lugar de Seixo de Arriba. Un particular alertaba do incendio ao 112 Galicia ás 00.45 horas deste venres.
Enseguida, desde o Centro de Atención ás Emerxencias 112 Galicia pasouse aviso aos Bombeiros de Betanzos, á Garda Civil e ao GES de Curtis, que se desprazaron ata o lugar. Finalmente, os efectivos de urxencias conseguiron sufocar o lume.
Arde un galpón en Curtis e causa danos materiais
O lume calcinou varias alpacas de herba seca e os laterais e o tellado do alpendre
