Un incendio declarado na madrugada deste xoves afectou a gran cantidade de residuos acumulados no exterior dunha empresa de tratamento das Somozas (A Coruña).
Segundo informa o 112 Galicia, o lume non afectou á nave desta empresa de tratamento de residuos, situada no polígono industrial das Somozas, e só arderon restos inertes situados ante a planta.
Foi un vixiante de seguridade o que deu a voz de alarma ao 112 Galicia ás 2.00 horas desta madrugada. Segundo indicaba, no interior desa nave non había ninguén no momento no que se declarou o incendio. Con todo, púxose en situación de alerta aos efectivos de Urxencias Médicas, aínda que finalmente a súa intervención non foi necesaria. Tamén se informou aos Bombeiros do Eume, ao GES de Ortigueira e á Garda Civil. Os bombeiros, axudados dunha pa, conseguiron extinguir o incendio sobre as 4,00 horas.
Arden gran cantidade de residuos nunha empresa das Somozas
O lume non chegou a afectar á nave desta empresa de tratamento de residuos
