A morte de catro veciños de Cambados no tráxico naufraxio do Sin Querer Dos, do que lograron salvarse seis tripulantes, varios deles de Portonovo, mantén á comarca do Salnés de loito.
ás portas do consistorio cambadés concentráronse este xoves unhas 1.500 persoas en memoria dos seus veciños falecidos: Teófilo Rodríguez Galiñanes, Bernardo Padín, Manuel Serén e Guillermo Casais
A principal hipótese é que un golpe de mar puido ser o causante do naufraxio
O Concello confirma que se está practicando a autopsia aos tres falecidos confirmados e a partir desta tarde serán velados de forma conxunta no pavillón do Pombal, a petición das familias. O funeral será o venres ás 16.00 horas, aínda que se podería pospor se aparece o corpo do desaparecido, e será oficiado polo arcebispo Julián Barrio.
En canto á investigación, o delegado do Goberno en Galicia, Javier Losada, dixo que se baralla como hipótese que un golpe de mar puido ser o causante do naufraxio, aínda que será a comisión aberta para a investigación quen teña que confirmalo.
Esta primeira hipótese sae das declaracións tomadas aos sobreviventes. Crese que o golpe de mar puido facer que algunhas redes caese ata engancharse nas hélices.
LOITO EN SANXENXO. Mentres, o Concello de Sanxenxo fixo pública unha declaración institucional para mostrar "a súa solidariedade cos familiares e amigos das vítimas". Do municipio eran varios dos tripulantes, concretamente de Portonovo, que lograron salvar a súa vida.
O funeral polos falecidos será este venres ás 16.00 horas no pavillón do Pombal
Ademais de declarar e loito oficial ata a madrugada do sábado ao domingo, o Concello tamén convocou unha concentración silenciosa ás portas da casa consistorial.
"Un pesqueiro moi querido e coñecido por todos os veciños e veciñas da vila. Entre a súa tripulación atopábanse non momento do suceso, veciños de Portonovo, aos que esta Corporación quere enviar ánimos nestes momentos difíciles, pero, sobre todo, solidarizarse coas familias e coñecidos dos falecidos, veciños de Cambados", indica o comunicado
O seguinte acto na axenda da presidenta, a inauguración da urbanización do IES de Soutomaior, desenvolveuse sen a súa presenza pero si coa do deputado Uxío Benítez, que aproveitou tamén para mostrar as súas condolencias.
Tamén o presidente da Xunta, Alberto Núñez Feijóo, fixo o propio na rolda de prensa posterior á reunión semanal do Goberno galego.